- هما اللى فى التحرير عايزين أيه !!!؟
سؤال أعتقد أنه لا يوجد فرد فى مصر لم يسمعه ، فالشعب المصرى بعد الثورة أنقسم من وجهة نظرى إلى نوعان ، النوع الأول من ثوار التحرير حتى وإن لم يذهب إليه أو يشارك فى فعالياته ، وأكتفي بالأتفاق معهم فى أهدافهم وذلك لظروف خاصة به ، فهو بالتأكيد يوجه إليه هذا السؤال مئات المرات .
أما النوع الثانى من الشعب فينقسم أيضاً من وجهة نظرى إلى ثلاث فئات ، الفئة الأولى من الفلول والتى ترى أن الثورة ما هى إلا خراب للبلد ، أما الفئة الثانية فهم من يطلق عليهم حزب الكنبه الذى يسب الشرطة عندما يرى ظابط همجى يلقى بجثمان شهيد بالقمامة ، ثم يسب الشهيد لأنه ألقى بنفسه فى التهلكه ، أما الفئة الثالثة فهى أما من غير المتعلمين أو من غير المهتمين بما يحدث بالدولة ، ولا يهمهم سوى الأمن والطعام ، فكل تلك الفئات المنشقة من النوع الثانى من الشعب بالتأكيد توجه تلك السؤال للنوع الأول وهو النوع الثائر .
لذلك فأن هذا السؤال أصبح سؤال شعبى ، ولأنى من الذين يعانون بشده من سماع هذا السؤال ، فقد قررت أن أكتب إجابة السؤال فى ورقه ، بحيث أننى كلما سؤلت هذا السؤال أعطى السائل تلك الورقة ، إذ ربما يتحول للنوع الأول أو على الأقل لا يسألنى نفس السؤال كلما رأى وجهى ، وبالصدفة البحته عندما أتخذت هذا القرار وجدت منشور ( بوست ) على الفيس بوك يحتوى على الأجابات الشافيه لهذا السؤال الممل ، لذلك فقد قمت بنقل المنشور كما هو بنصه ، إذ ربما أنه هناك من يعانى من نفس المعاناه التى أعانى منها ، وبيان المنشور كالآتى :
- مليون يورو ، و احنا مشوفناش منه مليم من فلوسنا اللي سرقها ...يبقي فيه حاجة غلط .
- لما تقوللي إن خزينة الدولة مفيهاش فلوس لتحقيق مطالب المواطنين ، مع إن في مصر ألآف الموظفين بيقبض الواحد منهم فوق المليون جنيه شهريا و ومساعدينهم بيقبضوا مئات الآلاف في الشهر، و كمان رجال الأعمال عليهم 100 مليار جنيه ضرائب للدولة .... يبقي فيه حاجة غلط .
- لما تقوللي إن أحد فلول الحزب الوطني هدد بعزل الصعيد و قطع الكهرباء عن مصر، لو تم منعهم من الترشيح لمجلس الشعب ومحدش حتي رد عليه ...يبقي فيه حاجة غلط .
- لما تقوللي إن كل الناس اللي بتعارض خونة و عملاء و مأجورين ، من غير حكم واحد قضائي يقول كده و لا حتي تحقيق مدنى مش عسكرى ...يبقي فيه حاجة غلط .
- لما تقوللي إن فيه مؤامرات داخلية و خارجية علي البلد ، وترمي اتهامات يمين وشمال ، من غير ما تكشف أشخاص و لا مؤامرة ، وأنت عندك أمن وطني و مخابرات و جيش ... يبقي فيه حاجة غلط .
- لما تقوللي إن المشير وعمر سليمان والعيسوي شهدوا في المحكمة ببراءة مبارك من كل التهم ، رغم إن البيان رقم 25 للقوات المسلحة قال رفضنا أوامر بإطلاق النار علي المتظاهرين ...يبقي فيه حاجة غلط .
- لما تقوللي إن الثوار بيتحاكموا عسكري ، ومبارك قاعد في مستشفي 7 نجوم ، ونائب رئيس الشرطة العسكرية بيضرب تعظيم سلام للعادلي في المحكمة ....يبقي فيه حاجة غلط .
- لما تقوللي إن تونس انتخبت لجنة تأسيسية لوضع دستور جديد و تشكيل حكومة انتقالية ، ومصر لسة بتعمل مجلس شعب هاينتخب لجنة تأسيسية لوضع دستور بعد سنة ، ومش هيشكل حكومة .. .يبقي فيه حاجة غلط .
- لما تقوللي المشير مش طمعان في الحكم ، وتلاقي حملة لترشيحه للرئاسة وهو لا تعليق.. يبقي فيه حاجة غلط .
- لما تقوللي إن المجلس العسكري بيعد وثيقة مباديء فوق دستورية ، تجعل منه قوة فوق المحاسبة ، وفوق الشعب و الحكومة، وتجعل منه دولة داخل الدولة ....يبقي فيه حاجة غلط .
- لما يكون كل ما سبق ده بيحصل فى البلد وأنت مش حاسس بيه يبقى فيك حاجه غلط ( نقطه مضافة منى شخصياً على المنشور ) .
ارجوك انسخها علشان نعرف الناس رجعت التحرير ليه
الكلام ده كويس جدا بس تفتكر هنفضل طول عمرنا فى التحرير ؟؟؟؟؟ وهل الاعتصام او التظاهر هو الحل الوحيد ؟؟؟؟؟ وكمان هل هنفضل زى محنا عايشين اكذوبه الامل الديمقراطى المزيف؟ كل دى تساؤلات انا نفسى مش عارفه اجابتها لانى بقيت مشتته.
ردحذف